Fossberg ehf

Fossberg hefur verið sérverslun með iðnaðarvörur, vélar, verkfæri, ýmiskonar festingar og margt fleira fyrir fagmanninn frá 1927.

Hjá okkur færðu allskonar festingar, allt að 36x360mm ryðfría og herta bolta, allt að 100mm lykla, allt frá litlum skrúfvélum uppí stórar fræsi- og borvélar, allt frá 12v „jeppapressu“ upp í alvöru snigil-loftpressur. Vinnuskór, hanskar hverskonar, hlífðarvörur, mælitæki, slípivörur, ryksugur, handverkfæri, talíur, legupressur, borbrýnivélar og svo mætti lengi telja.

Okkar helstu birgjar eru t.d.

Ejendals, sem er vandaður sænskur framleiðandi á hönskum og vinnuskóm. Allt frá einnota vinyl upp í vönduðustu suðuhanska, jafnvel ofnæmisprófaðir hanskar. Allt frá sandölum upp í stígvél með stáltá og stálbotni sem eru sérstaklega hönnuð til að vinna móti stöðurafmagni.

Sandvik, eru fremstir í heiminum á sviði renniverkfæra. Við útvegum hvað sem er frá þeim á sólarhring ; haldara, bómur, patrónur, rennistál og renniodda fyrir öll efni og allar vinnslur.

Flexovit, eru mjög framarlega á sínu sviði, í framleiðslu á slípivörum hverskonar. Fræsitennur, vírskífur, slípibönd, flókahjól, skurðar- og slípiskífur. Ef það er hægt að slípa eða pússa með því, framleiðir Flexovit það örugglega.

Metabo, eru mjög oft fyrstir með nýjungar í rafmagnsverkfærum. Í grænu línunni frá þeim eru alvöru verkfæri fyrir fagmenn, með snúru eða rafhlöðu-þitt er valið. Einnig bjóðum við uppá á Mafell sem notar einmitt Metabo rafhlöðurnar í sín rafhlöðuverkfæri

Sturmer, eru með þeim fremstu í Evrópu á sviði vélaframleiðslu og framleiða undir nokkrum merkjum ; Optimum, Quantum, Unicraft, Aircraft, Metalkraft, Holzkraft, Sweißkraft og Holzstar. Frá þessum framleiðendum koma rennibekkir, bandsagir, standborvélar, segulborvélar, legupressur, beygjuvélar, smergel, loftpressur og loftverkfæri, suðuvörur og trésmiðávélar ýmiskonar.

Ganter-Griff, býður uppá hnúða og handföng í öllum mögulegum og ómögulegum gerðum.

Scangrip, býður vönduð vinnuljós í fjölmörgum útfærslum. Vatns- og höggheldir kastarar og LED rör á vinnulyftur sem og nett og lítil vasaljós eða handluktir.

Ekki má þó gleyma að minnast á Stahlwille, Unior og Bacho handverkfæri. Rocol og Weicon efnavörur. Ruko, Walter og Karnasch bor- og snittverkfæri. Ásamt mörgum fleiri vönduðum merkjum.