Golfklúbbur Kópavogs & Garðabæjar golfskáli GKG

GKG eða Golfklúbbur Kópavogs og Garðabæjar er staðsettur í Garðabæ, en völlurinn teygir anga sína á milli Garðabæjar og Kópavogs. Við bjóðum upp á margvíslega þjónustu og ættu því allir að geta fundið það sem þau leita að.

Golf

Við höfum um að ráða  

• 18 holu golfvöll
• 9 holu golfvöll
• 22 golfherma frá Trackman
• 18 holu púttvöll sem staðsettur er inni
• 9 holu vippvöll sem staðsettur er inni

Auk þess höfum við útiæfingasvæði sem er opið á sumrin þegar vellirnir okkar opna.

Kennsla og æfingar

Hjá GKG starfar stór hópur PGA menntaðra golfkennara sem sinna fjöbreyttum hópi viðskiptavina.

Við bjóðum upp á fjölmörg námskeið fyrir kylfinga á öllum getustigum, bæði fyrir GKG-inga sem og aðra kylfinga. Námskeiðin fara ýmist fram í Íþróttamiðstöð GKG eða í Kórnum og á sumrin færast þessi námskeið út.

Auk þess er boðið upp á ýmsa fyrirlestra fyrir meðlimi GKG til gagns og gamans.

Veitingar

Veitingar eru á vegum Mulligan þar sem kokkarnir reiða fram gómsætar veitingar allan ársins hring. Það þarf því ekki að hafa áhyggjur af því að fara svöng eða svangur af velli, það er alltaf hægt að fá sér góðan mat hjá þeim.

Fundarherbergi og salur

Við leigjum út fundarherbergi sem henta fyrir allt að 30 manns en höfum einnig sal fyrir stærri viðburði, en þar geta allt að 170 manns komið saman í sæti.

Golfverslun

Golfverslun okkar hefur gott úrval af golffötum, golfpokum, skóm og litlu hlutunum sem gæti vantað í settið, eins og tí, bolta og hanska. Fötin eru frá FootJoy og J.Lindeberg.

Í verslun okkar sér starfsmaður um gripskipti á þriðjudögum og fimmtudögum.