Keahótels bjóða ykkur velkomin. Við rekum 10 hótel staðsett í Reykjavík, Vík í Mýrdal, á Siglufirði, Grímsnesi og Akureyri.

Reykjavík

Apótek Hótel

Glæsilegt 4 stjörnu boutique hótel með stóra sál í hjarta Reykjavíkur. Staðsett í sögufrægu stórhýsi Reykjavíkurapóteks eftir Guðjón Samúelsson. Höggmyndir Guðmundar frá Miðdal sýna augljósan stórhug húsbyggjandans.

Hótel Borg

Hótel Borg er einskonar stofnun eða aðdráttarafl í sjálfu sér. Fallegt húsið og Art Deco-innréttingar, sagan og glæsileiki þessa fyrsta alvöru borgarhótels hafa verið uppspretta ótal minninga Íslendinga og gesta þeirra í næstum öld. Og sagan er sannarlega ótrúleg. Glímukappa sem kemst í álnir í hringleikahúsum Vesturheims dreymir um alvöru hótel heima á Íslandi. Draumur sem varð að veruleika og hefur síðan hýst þjóðhöfðingja, ráðamenn, kvikmyndastjörnur, nýgift pör og virðuglega ferðamenn.

Reykjavík Lights

Áfangastaður sem upphefur fornar árstíðir á smekklegan máta. Aðgengileikinn er í fyrirrúmi, enda auðvelt að leggja á einkastæðum hótelsins. Þú getur því lagst í rekkju áhyggjulaus og hlakkað til að vakna á nýjum degi.

Sand Hótel

Sand Hótel er 78 herbergja lúxushótel sem er staðsett í hjarta miðborgarinnar við Laugaveg. Afslappað andrúmsloft og tímalaus hönnun gera hótelið að eftirsóknaverðum dvalarstað auk þess sem iðandi mannlíf og menning miðborgarinnar er rétt handan við hornið.

Skuggi Hótel

Hér mætast tímalaus þægindi og hlýjar móttökur á besta stað í Reykjavík. Áreynslulaus hönnun og fallegar myndir, líflegur bar og frábær staðsetning. Skuggi Hótel er mjög vel staðsett í efri hluta miðborgar Reykjavíkur. Það er bókstaflega allt í næsta nágrenni. Barir, veitingahús og næturlíf. Hótelið er við nýuppgerða Hverfisgötuna sem geymir fallegar verslanir og spennandi veitingahús sem margir sækja í. Þá eru Bíó Paradís og Þjóðleikhúsið áfangastaðir sem borgarbúar í miðborgarferð eða landsmenn í höfuðborgarferð sækja gjarnan, í nokkurra mínútna göngufjarlægð.

Storm Hótel

Aðgengilegt og stílhreint hótel á fullkomnum stað fyrir ferðalanga sem vilja fara á milli iðandi miðborgarinnar og annarra borgarhluta. Íslensk náttúra nýtur sín í nútímalegri hönnun. Staðsetningin er aðgengileg á bíl eða með almenningssamgöngum og stutt að fara, hvort heldur sem er til að njóta lífsins á Laugaveginum, skreppa á fund í Borgartúninu eða fara með fjölskylduna í sund.

Vík í Mýrdal

Hótel Katla

Heimili ferðalanga mitt í stórbrotinni náttúru Suðurstrandarinnar. Hér mætir nútímalegur sjarmi kröftum náttúrunnar. Fullkomin staðsetning á ferð um Suðurland á milli hafs og jökuls. Suðurströnd Íslands geymir margar af helstu náttúruperlum Íslands. Hótel Katla er því vel staðsett fyrir þá sem sækja Suðurland heim. Fossar, svartur sandur, jöklar og stórbrotin fjöll. Allt innan seilingar frá Vík í Mýrdal þar sem hótelið hvílir undir hlíðinni.

Akureyri

Hótel Kea

Eitt af kennileitum höfuðstaðar Norðurlands, Hótel Kea, í hjarta Akureyrar. Vel staðsett og samtvinnað sögu síðustu áratuga skapar það fullkomið heimili fyrir ferðalanga á Norðurlandi. Þó bærinn hafi breitt úr sér síðan hótelið hóf starfsemi er allt sem hugurinn girnist innan seilingar. Akureyri býður upp á menningu, söfn, veitingastaði, útivist og skíði. Allt sem þú þarft.

Siglufjörður

 Sigló Hótel

Á Sigló Hótel kappkostum við að bjóða gestum okkar afslappandi umhverfi með klassískri og rómantískri hönnun. Hótelið er umvafið fallegu fjöllunum í kring og staðsett við smábátahöfnina. Njóttu þess að slappa af í þessu rólega litla griðarsvæði á Norðurlandi.

Grímsnes

Hótel Grímsborgir

Hótelið er staðsett í Grímsnesi við Gullna Hringinn í kjarri vöxnu landi á bökkum Sogsins með fagra fjallasýn allt um kring. Einstaklega friðsæll staður en samt aðeins 45 mínútna akstur frá Reykjavík. Hótelið er á glæsilegum stað í kjarrivöxnu landi og frá hótelinu er fögur fjallasýn m.a. að Ingólfsfjalli og Búrfelli.