LIBRARY bistro/bar

LIBRARY bistro/bar er veitingastaður rekinn af Park Inn by Radisson Reykjavík Keflavik Airport hótelinu. Veitingastaðurinn opnaði undir núverandi nafni árið 2017 en var áður rekið undir nafninu Vocal restaurant.

Hönnuðirnir Arnar Gauti Sverrisson og Jón Gunnar Geirdal voru fengnir í það vandasama verk að endurgera veitingastaðinn. Með tilliti til umhverfis og kolefnisspors voru öll húsgögn staðarins keypt notuð og með því fengu þau nýtt líf á þessum nýja veitingastað. Nafn veitingastaðarins er sótt í þá staðreynd að bókasafn bæjarins var um áratugaskeið rekið í húsinu og íbúar því vanir að sækja þangað sögur og nýta sameiginlega bækur til lestrar. Með sömu hugmyndafræði átti veitingastaðurinn LiBRARY bistro/bar að þjóna sama tilgangi, að skapa sögur og upplifanir fyrir gesti en leyfa fólki líka að njóta einhvers saman, líkt og bókasöfn gera. Þannig skapar staðurinn sögur í lífi fólks á sama tíma og það tekur þátt í sögum annarra.