Olís hf

Olís ehf. var stofnað 3. október 1927. Félagið rekur fjölda þjónustustöðva undir vörumerki Olís ásamt sjálfsafgreiðslustöðvum undir vörumerki ÓB - ódýrt bensín. 

Olís – Þjónustustöðvar

Olís-þjónustustöðvar eru staðsettar víðs vegar um landið og þar má fá eldsneyti, skyndifæði og þjónustuvörur fyrir einstaklinga og fyrirtæki. Starfsemi þjónustustöðva skiptist í mismunandi þjónustustig en á stærri stöðvunum er bæði boðið upp á sjálfsafgreiðslu og fulla þjónustu á eldsneyti auk annarrar þjónustu við bílinn. Þar eru einnig verslanir fyrir heimilið og veitingastaðir þar sem hægt er að tylla sér niður og borða hina ýmsu skyndirétti, kaffi og bakkelsi. Á flestum stærri stöðvunum má einnig finna þvottaplan, loft, ryksugu og vatn fyrir bílinn.

Olís – Smurstöðvar

Olís er með samning við smurþjónustur víðsvegar um landið. Þessar smurstöðvar eru í einkarekstri og Olís kemur ekki að rekstri þeirra. Mismunandi getur verið milli smurstöðva hvort boðið er upp á dekkjaskipti, smáviðgerðir og annað slíkt.

Olís Vildarkjör

Olís býður upp á ýmis vildarkjör bæði fyrir einstaklinga og fyrirtæki. Þessi vildarkjör eru:
Staðgreiðslukort: Býður einstaklingum sem vilja staðgreiða afslátt af eldsneyti og vörum og einnig Vildarpunkta Icelandair.
Einstaklingskort: Býður viðskiptavinum sem vilja vera í lánaviðskiptum við Olís afslátt af eldsneyti og vörum.
Fyrirtækjakort: Greiðslukort ætlað fyrirtækjum vegna kaupa á eldsneyti og vörum.

Olís/ÓB lykill: Olís/ÓB-lykillinn gerir notkun greiðslukorta óþarfa. Þú leggur einfaldlega lykilinn að dælunni, færð aukaafslátt og upphæðin fer út af kortinu þínu.

Grill 66

Á stærri þjónustustöðvunum er boðið upp á heitan mat af grilli ásamt miklu úrvali af ferskum og hollum skyndibita; samlokur, pastabakka, pylsur, ilmandi kaffi og nýtt bakkelsi sem bakað er á staðnum og þar af leiðandi alltaf nýtt og ferskt.