Rafmagnið er einn af þessum sjálfsögðu hlutum sem við tökum ekki alltaf eftir. Samt þarf ekki að ýta nema á einn takka til að kveikja ljós og það er alltaf nóg af kaffi, tónlist og þurrum sokkum.

Orka náttúrunnar framleiðir og selur rafmagn til allra landsmanna á samkeppnishæfu verði og sér höfuðborgarbúum fyrir heitu vatni. Við viljum nýta auðlindir af ábyrgð og nærgætni og bæta lífsgæðin í nútíð og framtíð.

Gott og traust samband við viðskiptavini er lykilatriði í starfsemi okkar og við viljum að það sé einfalt og þægilegt að skipta við okkur og við höfum það að leiðarljósi í allri okkar þjónustu.

Vissir þú að

• ON leggur sig fram við að framleiða rafmagn í sátt og samvinnu við náttúruna - hvað getum við gert fyrir umhverfið?
• ON stuðlar að aukinni rafbílavæðingu á Íslandi og hefur opnað tíu hraðhleðslustöðvar í Reykjavík og nágrenni.
• ON rekur þrjár virkjanir, tvær jarðvarmavirkjanir og eina vatnsaflsvirkjun.
• Jarðhitasýning ON í Hellisheiðarvirkjun veitir innsýn í virkjun og nýtingu jarðvarma og er opin alla daga frá kl. 9-17.