Deka plan 230 hraðharðnandi flotefni - 25kg

Deka plan er dælanlegt hraðharðnandi flotefni sem er auðvelt í meðförum. Ekki er þörf á frekari yfirborðsmeðhöndlun, svo sem slípun eða fínspörtlun. Efnið er þurrefni í 25kg pokum sem er blandað vatni á byggingarstað. Stuttur þurrktími leyfir lögn á dúk eða parketi eftir 7-10 daga.Þykktarsvið er 2-30mm. Vatn í 25kg poka er 4,75-5L. Efnisþörf fyrir hvern millimeter er 1,7kg per fermeter. Göngufært eftir 2-4 klst. Má yfirleggja með flísum eftir ca 24 klst, en parket og dúkar eftir 7-10 daga. ( fer eftir aðstæðum á verkstað og þykkt ílagnar. Efnislýsing Deka plan er ódýrt, dælanlegt hraðharðnandi flotefni sem er auðvelt í meðförum. Ekki er þörf á frekari yfirborðsmeðhöndlun, svo sem slípun eða fínspörtlun. Efnið er þurrefni í 25kg pokum sem er blandað vatni á byggingarstað. Stuttur þurrktími leyfir lögn á dúk eða parketi eftir 7-10 daga.( Fer þó eftir þykkt, loftraka, hitastigi og öðrum aðstæðum.) Flísar má leggja með sementsbundnum límum daginn eftir flotun. Notkunarsvið Deka plan hentar í íbúðarhúsnæði, á skrifstofum, iðnaðargólfum, og þar sem álag er í meðallagi. Undirvinna Undirlagið skal vera sterkt, hreint og laust við lausan múr, sementslamma, raka, fitu og önnur óhreinindi, og þarf að þola togkraft allt að 3,0 N/mm Límrestar og aðra húð er best að fjarlægja með demantsslípun. Ef olía eða fita er í steininum, þarft að brenna hana í burtu með þar til gerðum tækjum. Ef flota á yfir lakkað gólf, skal slípað yfir með sandpappírs-slípivél og lakkið mattað. Grunnið með Deka Akryl 1:1, stráið þurru flotefni í blautan grunninn og kústið saman. Grunnur Grunna skal með Deka Akryl og blanda hann 1 hluti grunnur og 3 hlutar vatn. Sjá nánari leiðbeiningar um notkun. Blöndun og lögn Notið alltaf hreint og KALT vatn. (4-6°C) Ef notað er of heitt vatn þá breytast eðliseiginleikar flotsins og það getur eyðilagst.Vatnsmagn er 19-20% eða 4,75- 5 lítrar í 25 kg. poka.Hellið vatninu fyrst í dallinn og múrefninu á eftir. Blandið saman með hæggengri borvél þar til efnið er kekkjalaust og viðunandi seigju er náð. Ef dæla á efninu, leitið þá upplýsinga hjá söluaðila. Mælið flotið í efninu (samkv. SS 923519) með hring sem er 50x22mm. Skal þá flotið í efninu vera 150-155mm. Athugið alltaf við flotprufu hvort efnið sé nægjanlega vel hrært. Ásetning Flotinu er dælt með þar til gerðri múr/flotdælu. Efnið er lagt í þunnu lagi fram og til baka eftir gólfinu. Hámarksbreidd á svæði er 8 - 12m ( fer eftir dælugetu ). Á breiðari svæðum þarf að skilja að með svamplista. Draga þarf tenntan spaða eftir yfirborðinu til að losa um loft og koma í veg fyrir loftbólur. Ef þarf að flota í tveimur umferðum, þurfa að líða ca 6 klst á milli umferða.Noti menn hrærivél og dall þarf að gæta þess að líftími blöndu er ekki nema 10 - 15 mín (fer eftir hita, loftraka, loftræstingu o.s.fr). Að öðru leiti er verkið framkvæmt á sama hátt og með dælu.