DJI Mini 5 Pro Fly More Combo (DJI RC 2)

Hugsaðu stórt með Mini

Mini 5 Pro skartar ofurléttri, samanbrjótanlegri hönnun, passar í lófa og kemst auðveldlega fyrir í bakpoka eða vasa. Hann er C0-vottaður , sem gerir flug áhyggjulaust í flestum EES-ríkjum. Hægt er að taka myndefni beint á 42 GB innra geymslupláss og tryggja óslitið flug.

1" CMOS-myndflaga, taktu myndir eins og fagmanneskja

Með 50 MP 1" CMOS-myndflögu og f/1.8 ljósopi fangar Mini 5 Pro mikil smáatriði og tekur skýrar myndir í lítilli birtu. Þrátt fyrir smæðina skilar hann myndgæðum á við atvinnutæki.

Mini 5 Pro er með 1" CMOS-myndflögu sem styður 4K/60fps HDR-myndbandsupptöku með allt að 14 stoppa birtusviði . Þessi stóra myndflaga, sem er endurbætt með nýrri myndvinnslutækni og snjöllum reikniritum , varðveitir jafnvel smæstu smáatriði í lítilli birtu, til dæmis við sólsetur og að nóttu til, og skilar myndum sem eru einfaldlega stórkostlegar. Með 48 mm Med-Tele-stillingu verða viðfangsefni sérstaklega áberandi og fínstillingarreiknirit fyrir andlitsmyndir fanga svip fólks í ótrúlegri skerpu.

Med-Tele-stilling

Með 2x aðdrætti býður nýja 48 mm Med-Tele-stillingin nú upp á meiri myndupplausn en stafræni aðdrátturinn í fyrri DJI Mini Pro-drónum. Viðfangsefni verða skýrari og loftmyndir fá meiri dýpt.

Fínstilling andlitsmynda

Með fínstillingartækni DJI fyrir andlitsmyndir bætir DJI Mini 5 Pro birtu, skerpu og húðlit á andlitsmyndum. Hvort sem um er að ræða hópmynd eða einstaklingsmyndir verða andlitsmyndir náttúrulega geislandi og með líflegri svipbrigðum. 48 mm Med-Tele-stillingin undirstrikar viðfangsefni enn frekar með mikilli litaskerpu.

Knár en smár4K/60fps HDR-myndbandsupptaka

HDR-myndbandsstillingin býður upp á allt að 14 stoppa birtusvið og tekur kvikmyndalegt myndefni í aðstæðum með mikilli skerpu, til dæmis af skýjum og öðrum fyrirbrigðum við sólarupprás og sólsetur.

4K/120fps hægmyndataka

Mini 5 Pro styður hægmyndatöku í 4K/120fps, sem skilar skýru og mjúku myndefni með hárri upplausn og rammatíðni. Smáatriði lifna við, sem gerir myndefni kröftugra og veitir aukinn sveigjanleika í eftirvinnslu.

10-bita myndbandsupptaka og hátt ISO

Jafnvel í venjulegri litastillingu getur Mini 5 Pro tekið upp 10-bita myndbönd með H.265-kóðun, sem skilar nákvæmum litum og eykur sveigjanleika í eftirvinnslu. Hámarksgildi á ISO hefur verið hækkað í 12800. Með D-Log M og HLG-litastillingum er hámarksgildið ISO 3200, sem eykur birtu og gerir fleiri smáatriði sýnileg í næturtökum af borgarlandslagi.

Sönn lóðrétt myndataka og 225° sveigjanlegt rambald

Mini 5 Pro styður veltu með víðlinsu og sanna lóðrétta myndatöku, sem eykur frelsi og fjölgar möguleikum þegar kemur að myndavélarhreyfingum. Bæði handstýring og snjallstillingar eru í boði, sem veitir meiri sveigjanleika þegar kemur að sjónarhorni og flugleiðum. Jafnvel þegar tekið er upp á við að háum byggingum eða frá krefjandi sjónarhornum er nú auðvelt að ná einstökum sjónarhornum sem áður var erfitt að fanga.

225° rambaldssnúningur

Með 225° veltu gerir rambaldið þér kleift að stýra myndavélinni á sveigjanlegan og kvikan hátt. Þökk sé snjöllum eiginleikum á borð við QuickShot Rotate, Timelapse, Spotlight og Waypoint Flight er auðveldara en nokkru sinni fyrr að taka skapandi myndefni með snúningi.

Sönn lóðrétt myndataka

Frábært fyrir skýjakljúfa, fossa og líflegt borgarlandslag. Taktu lóðrétt myndbönd og myndir og deildu þeim samstundis, án þess að þurfa að skera af þeim. Hver mynd og hvert myndband er tilbúið fyrir samfélagsmiðla og fyllir skjáinn án fyrirhafnar.

Öruggt flug með hindranaskynjun í allar áttir að næturlagi

Mini 5 Pro er með LiDAR-skynjara sem snýr fram, auk margra sjónskynjara, fyrir hindrunarskynjun í allar áttir að næturlagi , sem gerir heimferð öruggari. Í borgarlandslagi að nóttu til skynjar dróninn og forðast hindranir á flug- og heimferðarleiðum fyrir áhyggjulaust næturflug. Í nægilegri birtu getur hann lagt flugleiðir á minnið , sem gerir öruggt flugtak og heimferð mögulega jafnvel án gervihnattamerkis.

Sjónræn skynjun í allar áttir

Mini 5 Pro er búinn LiDAR-skynjara að framan og gleiðhornslinsum að framan og aftan til að skynja hindranir fram á við, aftur á bak, til vinstri, til hægri og upp á við. Á botninum er hann búinn tvísæislinsum og þrívíddar-innrauðum skynjara sem gera hindranaskynjun í allar áttir mögulega.

Hindranaskynjun í allar áttir að næturlagi

Veitir aukið öryggi fyrir næturmyndatökur svo þú getir skapað af öryggi og skilv