Ferskt pasta

Ferskt pasta er munaðarvara sem gaman er að geta gert sjálfur og þeir sem hafa smakkað heimalagað ferskt pasta vilja helst ekki sjá neitt annað þaðan í frá. Við munum einbeita okkur að handverkinu og tækninni á bak við pastagerðina en gerum þó nokkrar laufléttar sósur til að hafa með pastanu. Á þessu námskeiði einbeitum við okkur að ítölsku pasta.Ægir Friðriksson er matreiðslumeistari og kennir við Hótel- og veitingaskólann (MK). Á þessu námskeiði mun hann kenna okkur að gera nokkrar tegundir af pasta og pastaréttum, sem þátttakendur munu síðan gæða sér á.Á námskeiðinu læra þátttakendur að gera:Pastadeig frá grunni og kynnast ýmsum tegundum af skurði á því.Ricotta ost frá grunni og hvernig má nýta hann.Spínat-, sveppa- og ricottafyllt canneloni í sterkri tómatsósuRavioli með graskersfyllingu og salvíusmjöriPappardelle pasta með smátómötum, basil- og hvítvínssósu