Fisher & Paykel Uppþvottavélaskúffa til innbyggingar

Innbyggð uppþvottavél frá Fisher & Paykel í DishDrawer™ hönnun sem rennur út eins og skúffa. Vélin kemur í ryðfríu stáli en einnig er hægt að kaupa sérstakt framspjald til að passa við innréttingarnar í eldhúsinu. Hún tekur allt að 6 manna borðbúnað og hentar diskum allt að 280 mm í þvermál.

Vélin býður upp á 6 þvottakerfi: Delicate, Eco, Fast, Heavy, Medium og Rinse. Þar að auki eru valkostirnir Quick, Sanitise og Extra Dry sem gera þvottinn enn skilvirkari. DishDrawer hönnunin gerir þér kleift að þvo minni hleðslu á einfaldan og orkusparandi hátt.

Þvottavélin er hljóðlát með um 42 dB hljóðstyrk og notar aðeins um 6,9 lítra af vatni í hverju kerfi. Innra skipulagið er sveigjanlegt með niðurfellum tönnum og sérstökum aukahlutum fyrir hnífapör og minni áhöld.