Gelísprautun

Gelísprautun er ein vinsælasta meðferð Húðfegrunar og er framkvæmd af sérhæfðum hjúkrunarfræðingum með fylliefni frá Neauvia Organic – einu náttúrulegasta fylliefni á markaðnum í dag.

Með Gelísprautun er hægt að endurheimta rúmmál, móta andlitsdrætti og bæta hlutföll andlits á nákvæman og öruggan hátt. Meðferðin er meðal annars notuð til að fylla í varir, milda hrukkur og fínar línur, móta kinnbein og kjálkalínu sem og til að jafna hlutföll á svæðum eins og nefi og höku.

Í raun er hægt að framkvæma Gelísprautun á flestum svæðum andlitsins. Meðferðin skilar skjótum og áberandi árangri og sjást fyrstu breytingar strax að meðferð lokinni. Endanlegur árangur kemur þó fram á næstu 7–14 dögum eftir að fylliefnið hefur aðlagast vefnum.