Guardian viðarhreinsir fyrir innihúsgögn

Notkunarleiðbeiningar:
Blandið Guardian viðarhreinsi í hreint, volgt vatn í hlutfallinu 1:1. Ef um mjög óhrein húsgögn er að ræða má nota efnið óþynnt.

Berið hreinsiefnið á viðinn með mjúkri, lólausri tusku eða mjúkum svampi í þunnu og jöfnu lagi, í átt við æðar viðarins. Notið léttan þrýsting þannig að efnið freyði. Mælt er með að meðhöndla alltaf heila fleti til að tryggja jafna niðurstöðu.

Látið efnið/froðuna liggja í um það bil 5 mínútur og þurrkið síðan yfir með mjúkri, lólausri tusku sem er vel undin úr hreinu vatni.

Þegar viðurinn er orðinn alveg þurr og ef yfirborðið hefur risið eða orðið gróft má slípa létt í átt við æðar með fínum sandpappír (kornastærð 220).