Handbók um minni og gleymsku

Í Handbók um minni og gleymsku renna húmor og heimspeki, fegurðarþrá og frásagnagleði saman í frumlegan seið. Bréfaskipti fyrrverandi elskenda, furðuleg ökuferð um úthverfi Reykjavíkur, harðar deilur í húsfélagi, flóttatilraun drengs úr sveit, kjarnorkusprengjur og engiferrætur …

Handbók um minni og gleymsku vekur bæði kátínu, óvæntar spurningar og óþægilegar tilfinningar. Þetta er bók sem lesandinn mun ekki gleyma svo auðveldlega.

Ragnar Helgi Ólafsson hlaut Bókmenntaverðlaun Tómasar Guðmundssonar haustið 2015. Handbók um minni og gleymsku er fjórða bók hans og kemur út samhliða á Íslandi og í Frakklandi en allar bækur hans hafa verið þýddar á erlendar tungur.