Í klóm dalalæðunnar

„Í klóm dalalæðunnar er full af sprengikrafti hugmynda … teygir sig inn í sálarlíf lesandans og hreyfir þar rækilega við honum,“ sagði í umsögn dómnefndar um Bókmenntaverðlaun Tómasar Guðmundssonar en Í klóm dalalæðunnar eftir Sindra Freysson hlaut einmitt verðlaunin árið 2011.

Út hafa komið þrjár skáldsögur og fjórar ljóðabækur eftir Sindra Freysson. Skáldsagan Augun í bænum (1998) hlaut Bókmenntaverðlaun Halldórs Laxness og ljóðabókin Harði kjarninn var tilnefnd til Íslensku bókmenntaverðlaunanna. Ljóðabókin Ljóðveldið Ísland (2009) vakti mikla athygli og seinustu skáldsögur hans, Flóttinn (2004) og Dóttir mæðra minna (2009), fengu afar góða dóma.