kaffikvörn Presto

Handknúna Presto kaffikvörnin frá Peugeot gerir hverjum sem er kleift að mala kaffi fullkomlega, óháð því hvaða kaffibruggunaraðferð hefur orðið fyrir valinu.  Grófleikinn er stilltur efst á kvörninni og á hringnum eru myndir af mismunandi kaffikönnum til að aðstoða við valið, hvort sem á að mala fyrir espresso, uppáhellingu, franska pressu eða jafnvel tyrkneskt kaffi.Auðvelt er að fylla á kvörnina og sveifin fer vel í hendi þannig að kaffibaunirnar renna ljúflega í gegnum stálkvörnina sjálfa.