Leitin að geislasteininum

Grípandi saga fyrir börn á aldrinum 6-11 ára. Söguhetjurnar, þrír tólf ára krakkar sem voru kynntir til sögunnar í bókinni Varið ykkur á Valahelli, komast aftur í hann krappan fjarri heimaslóðum. Á vegi þeirra verða skuggalegir ferðalangar og dularfullur drengur en spennan tekur völdin þegar fréttist að dýrmætur geislasteinn hefur horfið. Nú reynir á kjark og útsjónarsemi krakkanna.

Iðunn Steinsdóttir sannar hér enn á ný hve vel hún þekkir hugarheim barna. Bókin er skrifuð á léttu máli sem hentar öllum krökkum og ævintýraleg spenna helst frá upphafi til enda.