Meiningar og málavextir

MEININGAR og MÁLAVEXTIR

Samtímamenning hins vestræna heims spratt ekki úr tómarúmi, heldur er hún afsprengi langrar hugmyndasögulegrar framvindu sem hefur þegið áhrif sín víða að á leiðinni. Í fyrri hluta þessa rits er stiklað á stóru í þeirri sögu með sérstakri áherslu á kenningar um eðli vísindalegrar þekkingar, sérkenni tungumálsins, sjálfsskilning mannsins og samlífi fólks frá Grikklandi til forna og fram á upplýsingaröldina, hina átjándu.

Síðari hlutinn snýr sér svo að sögu og þróun málvísinda út frá eldri heimspekilegum hugmyndum um tungumálið. Gerð verður grein fyrir fyrstu skrefunum í mótun málvísinda frá og með nýöld og upphafi sögulegra málvísinda á nítjándu öld. Loks er fjallað um stærstu áhrifavaldana í málvísindalegum fræðikenningum á tuttugustu öld, þá Ferdinand de Saussure og Noam Chomsky.

Höfundarnir fjórir eru allir prófessorar við Mála- og menningardeild á Hugvísindasviði Háskóla Íslands.