Pakkatilboð - bakflæði og magabólgur

Anna Rósa mælir með að taka allar vörurnar í þessu pakkatilboði samhliða í a.m.k. einn til þrjá mánuði til að reyna að ná sem mestum árangri.

Magn: Mjaðjurt og morgunfrú 200 ml, lion's mane sveppaduft 60 g, regnálmsduft 40 g og magabólgute 40 g.

Notkun – Mjaðjurt og morgunfrú: 1 tappi þrisvar á dag fyrir eða eftir mat. Blandist í vatn, safa eða jurtate. Hristist fyrir notkun.

Notkun - Lion's Mane: 1-2 tsk. á dag með morgunmat. Hrærið út í vatn, hristinga, safa eða graut.

Notkun – Regnálmur - duft: Settu 1-2 tsk. í bolla, helltu sjóðandi vatni á og hrærðu. Drekktu þrjá til fjóra bolla á dag á milli mála. Má bragðbæta með kanil.

Notkun – Magabólgute: Settu 1-2 tsk í bolla, helltu sjóðandi vatni á, láttu standa í a.m.k. 10 mínútur, síaðu jurtir frá. Drekktu þrjá til fjóra bolla á dag.

Formúla: 100% náttúrulegar vörur handunnar af Önnu Rósu grasalækni. Íslenskar jurtir og lífræn hráefni í hæsta gæðaflokki. Vegan, án glúteins og ekki prófað á dýrum. Inniheldur EKKI parabena, kemísk ilmefni, parafín, jarðolíur, súlföt, PEGs, TEA, DEA, ftalöt, GMO, sílíkon, skordýraeitur, litarefni eða mögulega krabbameinsvalda.

Geymsluþol: Tinktúran Mjaðjurt og morgunfrú er með 5 ára endingartíma og við ábyrgjumst 1 árs endingu eftir opnun. Lion's Mane sveppaduft er með 3 ára endingartíma og við ábyrgjumst 6 mánaða endingu eftir opnun. Regnálmsduftið er með 3 ára endingartíma og við ábyrgjumst 6 mánaða endingu eftir opnun. Magabólgute er með 2 ára endingartíma og við ábyrgjumst 6 mánaða endingu eftir opnun. Allar vörurnar eru framleiddar oft og í litlu magni til að tryggja ferskleika. Geymist við stofuhita.

Varúð: Mjaðjurt og morgunfrú: Geymist þar sem börn ná ekki til. Ekki ráðlagt fyrir þungaðar konur, konur með börn á brjósti, fólk með áfengisvandamál, fólk undir 20 ára aldri eða ef grunur leikur á jurtaofnæmi. Fæðubótarefni koma ekki í stað lyfja né fjölbreyttrar fæðu.

Tinktúrur eru aldagömul vinnsluaðferð grasalækna þar sem virk efni úr lækningajurtum eru leyst upp í vínanda. Anna Rósa tínir sjálf allar íslensku lækningajurtirnar á ómenguðum svæðum, en tinktúrurnar eru að langmestu leyti úr ferskum jurtum. Erlendar lækningajurtir eru undantekningarlaust lífrænt vottaðar.