Svarti sauðurinn

Stórhættulegt borðspil ætlað 18 ára og eldri. Með því að spila spilið er komist að því hver í hópnum er  Svarti Sauðurinn. Spilið mun reyna á fjölskyldubönd, styrk sambanda og vináttu allra þeirra sem taka þátt. Það sigrar enginn Svarta Sauðinn! Í leikslok mun koma í ljós hver úr hópnum er Svarti Sauðurinn. Hver í hópnum notar of mikinn rakspíra? Hver er mest óviðeigandi? Hver er verst/ur í að leggja? Hvern viltu alls ekki hafa með þér á eyðieyju? Hver er nískastur? Með því að svara þessum spurningum og mörgum fleirum mun sannleikurinn koma í ljós, sannleikur sem ekki allir vilja heyra. Spilið er ekki fyrir viðkvæma og ef einhver sambönd á milli þeirra sem spila eru ekki nægilega sterk gæti farið illa.