Uppsetning á hleðslustöð (Höfuðborgarsvæðið)

Vönduð uppsetning er öryggismál. Við tryggjum þér þjónustu löggiltra fagmanna sem þekkja okkar vöru, að ýtrustu kröfum sé fylgt og ábyrgð iðnmeistara sé á verkinu. Ferlið er svona:

• Eftir að uppsetning er keypt komum við upplýsingum til rafvirkjameistarans sem annast mun verkið.
• Haft verður samband, vanalega innan tveggja virkra daga. Sá sem hefur samband mun spyrja almennra spurninga um raflagnir hússins og ástand rafmagnstöflu. Í einhverjum tilfellum mun hann óska eftir myndum eða annarskonar upplýsingum.
• Þegar fyrir liggur skýr mynd af verkinu gerir rafvirkinn grein fyrir því hvort grunnverð standist, hvort leggja þurfi í auka kostnað og þá í hverju sá kostnaður sé fólginn.
• Bókaður er tími í uppsetningu. Í henni felst:
• Uppsetning á hleðslustöðinni
• Efniskostnaður og akstur
• Uppsetning á tilheyrandi varnarbúnaði í rafmagnstöflu ásamt því að taflan er ástandsskoðuð.
• Flóknari uppsetningar þar sem þarf t.d. að framkvæma einhverskonar jarðvegsvinnu og/eða gera breytingar á rafmagnstöflu er ekki innifalið í verði. Lagnaefni umfram 10 m er ekki innifalið í verði.
• Að uppsetningu lokinni er verkið tilkynnt til Húsnæðis- og Mannvirkjastofnunar.

Endurgreiðsla á VSK

Til þess að hvetja til orkuskipta hafa stjórnvöld ákveðið að heimila endurgreiðslu virðisaukaskatts vegna kaupa á hleðslustöðvum. Ennfremur fellur uppsetning þeirra undir „Allir Vinna“ átakið og má því einnig sækja um endurgreiðslu virðisaukaskatts af vinnu við uppsetningu (sjá nánar hér).