DUGGARI BARNAPEYSA
Barnapeysa með áferðarmynstri á berustykki en einföld að öðru leyti. Hún minnir á sjómannapeysur fyrri tíma og fékk því nafnið Duggari. Klassísk í sniði og kemur vel út í margs konar garni, hlý en ekki of þykk og passar við allt. Sama peysa og Duggari herrapeysan, vinsælasta uppskriftin okkar.
Prjónfesta 18 lykkjur og 24 umferðir í sléttu prjóni = 1…
Barnapeysa með áferðarmynstri á berustykki en einföld að öðru leyti. Hún minnir á sjómannapeysur fyrri tíma og fékk því nafnið Duggari. Klassísk í sniði og kemur vel út í margs konar garni, hlý en ekki of þykk og passar við allt. Sama peysa og Duggari herrapeysan, vinsælasta uppskriftin okkar.
Prjónfesta 18 lykkjur og 24 umferðir í sléttu prjóni = 10×10 sm
Garn Þykkband / Worsted grófleiki · Erfiðleikastig 2–3 af 5
Uppskriftin inniheldur ítarlegar skýringar, mynsturmynd og vísun á leiðbeiningamyndbönd.
Prjónaferlið
Prjónuð í einu lagi frá hálsmáli og niður. Áferðarmynstur er prjónað á berustykki og ermum samhliða því að hálsmálið er rúnnað að framan (prjónað fram og til baka) og aukið út á löskum. Svo er tengt í hring og áferðarmynstur og útaukningar prjónaðar niður að handvegi. Eftir það er prjónað slétt. Stroffið í hálsmáli er prjónað í lokin. Auðvelt er að aðlaga sídd og ermalengd.
Stærðir, mál og garnmagn
Ítarleg máltafla er í uppskriftinni.
Þar sem við prjónum öll með okkar eigin lagi er ekki hægt að gefa alveg nákvæma tölu fyrir garnmagn.
Efni, áhöld og aðferðir
Sama peysa í herrastærðum: Duggari herrapeysa , og í ungbarnastærðum: Duggari ungbarnapeysa . Sama mynstur í fylgihlutum: Duggarasett barna — húfa, kragi og vettlingar.
General information
| 65 | 71 | 77 | 83 | 88 | 92 |
| 42 | 46 | 50 | 54 | 58 | 62 |
| 200 | 250 | 300 | 350 | 400 | 400 |
| Þykkband (Worsted), eða garn sem gefur rétta prjónfestu. Margar garntegundir koma til greina í þessa peysu. Svarta peysan á myndinni er prjónuð úr Lama-Tweed frá CaMaRose, sú gráa úr Merino frá Gallerý Spuna - Handprjón og bleika peysan er úr Cascade 220. | |||||
| Hringprjónar og sokkaprjónar nr. 4 og 5, eða sú stærð sem þarf til að ná prjónfestu — lengd hringprjóna fer eftir stærð peysunnar. Ef töfralykkja er notuð þarf ekki sokkaprjóna. | |||||
| Prjónamerki, þar á meðal umferðamerki. Nál til að ganga frá endum, málband og skæri. | |||||
| Uppfit, prjónað slétt og brugðið, affelling. Útaukningar og úrtökur til hægri og vinstri. Lykkjur prjónaðar upp í hálsmáli. Einfalt áferðarmynstur prjónað eftir mynsturmynd bæði fram og til baka og í hring, samtímis því að hálsmál er rúnnað og aukið er út á löskum. |
-
Yrja knit
The information listed is subject to change without notice. Contents, terms and conditions on vendor's web sites apply.